Ginaplansta na sa House Committees on Dangerous Drugs ug on Health ang balaodnon nga may kalabotan sa paggamit sa cannabis o marijuana alang sa medikal nga katuyoan.
Ang House Bills 193, 317, 367, 420, 1115, 2861, ug 3864 nagtumong sa paghatag og maloloy-on ug gipalapdan nga access sa medical cannabis, pagtukod og Medical Cannabis Office, ug paglatid sa gidili nga mga kalihokan ug mga silot.
Sumala sa tsirman sa komite sa Dangerous Drugs ug Bukidnon Rep. Jonathan Keith Flores, unom sa pito ka balaodnon ang compatible gawas sa House Bill 317, nga gisulat ni Negros Occidental Rep. Javier Miguel Lopez Benitez.
Sumala ni Flores, ang medical cannabis legal sa South Korea samtang ang cannabidiol gitugotan sa Japan. Sa Thailand, ang paggamit sa marijuana legal.
Ang tsirman sa komite sa panglawas ug Batanes Rep. Ciriaco Gato Jr. miingon nga ang balaodnon alang sa pharmaceutical nga porma sa cannabis ug isipon nga usa ka regulated nga tambal ubos sa pagdumala sa Department of Health ug Food and Drug Administration.
