Nagpahigayon ang mga operatiba sa National Bureau of Investigation-Cordillera Administrative Region og search operation sa hotel sa Baguio City diin katapusang nagpuyo ang kanhi Department of Public Works and Highways (DPWH) Undersecretary Maria Catalina Cabral sa wala pa siya mamatay.
Sa usa ka post sa Facebook, ang NBI miingon nga ang mga ahente niini nag-search sa kwarto ni Cabral subay sa search warrant nga gi-isyu ni Regional Trial CourtโBaguio City Branch 6 Judge Michael Francisco.
Gitugotan sa korte ang pagsakmit sa mga ebidensya nga makatabang sa pagklaro sa mga sirkumstansya sa kamatayon ni Cabral.
Sumala sa NBI, ang operasyon naka-focus sa pagsiguro sa mga rekord ug uban pang mga materyales nga may kalabotan sa nagpadayon nga imbestigasyon.
Nanawagan usab ang mga awtoridad sa mga motorista nga miagi sa Kennon Road niadtong Disyembre 18 nga isumite ang ilang dashcam footage nga makatabang sa imbestigasyon, taliwala sa lainlaing mga espekulasyon.
