Hot pursuit operation nagpadayon sa suspek nga midunggab patay sa usa ka scout ranger

GENERAL SANTOS CITY – Padayon ang pagpangita sa kapulisan sa mga suspek nga midunggab patay sa usa ka sundalo sa usa ka imnanan sa barangay Fatima ning syudad.

Giila ang biktima nga si John Aries Galleno, 36 anyos myembro sa Philippine Army Scout Ranger regiment nga nadestino sa Caraga Region.

Pauli na unta sa Block 1, Fatima ang biktima dihang paggawas sa imnanan sa Employees Village dihang gibabagan sa duha ka mga suspek ug dayon gidunggab sa makadaghan nga nagresulta sa pagkamatay niini.

Naglalis matud ang grupo sa biktima ug ang grupo sa nagpangalan ug Alias Mark sulod sa imnanan.

Nasuta nga nakadawat ug impormasyon ang kapulisan hinungdan nga girespondihang ug naabtan nila ang biktima nga nagbuy-od tungod sa samad nga naangkon.