GENERAL SANTOS CITY- All-out nga hot pursuit operation ang gilusad sa militar batok sa rebeldeng New Peoples Army(NPA) sa Brgy Sibayan Bansalan Davao Del Sur.
Kini ang gipanganti ni Lt. Daryl Cansancio, tigpamaba sa 73rd Infantry Battalion Philippine Army, human ang natigayong pagpang-ambush sa mga pulis sa nasampit nga lugar, kung asa upat ka miyembro sa Philippine National Police ang nakabsan sa kinabuhi nga gilangkuban sa usa ka babaye nga pulis, samtang usa ang samaron.
Hugtanon matud pa kining gikondena nila sa militar, gumikan dili matud pa kadto makatarunganon, hilabin na nga miadto matud pa sa lugar ang mga biktima nga pulis dili alang sa pagpahigayon ug operasyon, inay alang lamang sa pagresponde sa usa ka insidente sa pagpamusil.
Dugang pa ni Lt. Cansancio, andam na ang militar nga gamiton ang tanan nilang pwersa ug capabilities, gikan sa artillery units ngadto sa mga air assets, alang sa paggukod sa mga rebelde sa lugar.
Sa pagkakaron, katambayayong matud pa nila ang PNP sa nagpadayong hot pursuit operations sa lugar.
Nasayran nga ang ga-operate nga grupo sa nasampit nga lugar mao ang NPA Guerilla Front 51 ilawom sa pagdumala ni Alyas Joma.
