Anaa sa 58% ang hospital utilization rate sa dakbayan sa Heneral Santos.
Matud pa kang Dr. Ryan Aplicador, chief of Hospital sa Dr. Jorge Royeca nga gumikan kini sa padayon nga pag-ubos sa kaso sa COVID 19.
Sa iyang pamahayag nga wala nay waiting list nga pasyente. Kahinumduman nga atol sa pagtaas gayud sa kaso sa COVID 19 sa syudad daghan ang mga pasyente ang dili ma-admit sa hospital gumikan walay bakante og ang uban mamatay na lang sa balay o sa isolation unit.
Giangkon ni Dr. Aplicador nga sa ulahing mga adlaw walay natala na nga namatay sa kaso sa COVID 19 sa Royeca Hospital dili susama sa miaging mga semana nga daghan ang mamatay kada adlaw.
Sa pamahayag niini nga kung assypmtomatic o mild cases ang mga pasyente dili kaayo alarming ang sitwasyon apan kung daghan ang severe og critical ang kondisyon lisod na sa ilang bahin ang sitwasyon gumikan limitado ang mga personahe og ang mga pasilidad.
Gumikan niini iyang giawhag ang publiko nga magpabakuna batok sa COVID 19 gumikan ang mga fully vaccinated ang dili magrabehan kung matakdan sa virus.
