GENERAL SANTOS CITY – Nagpaklaro si Kag. Jeng Gacal, chairperson sa committee on finance sa konseho nga wala pa nakaabot sa iyang komitiba ang hangyo sa executive department nga gahinan og pondo ang honorarium sa mga miembro sa Barangay Control Covid Forces (BCCF) sa bulan sa Septiembre.
Matud pa kang Gacal nga ang bulan sa Hunyo og Hulyo nga honorarium ang nadawat na sa BCCF nga kada bulan ang matag usa ang gigahinan og P2,000.
Apan ang bulan sa Agosto ang naaprobahan na sa SP nga nagkantidad og P24 million.
Gikadugang pa niini nga ang bulan sa Septiembre nga P24 million usab ang budget ang wala pay request ang executive department nga mao ang ilang gihulat alang sa matigayong committee hearing og deliberasyon sa SP.
Matud pa ni Gacal nga ang maong budget ang lakip sa supplemental budget nga gikatakda nga aprobahan sa SP.
Ang bulan sa Agosto nga honorarium og Septiembre ang wala pa nadawat sa mga BCCF luyo nga nahuman na ang ilang trabaho.
