Mitaliwan na ang batikang Hollywood actor nga si Sam Neill sa edad nga 78.
Gikumpirma sa iyang pamilya nga namatay ang aktor tungod sa usa ka talagsaon ug agresibong klase sa blood cancer.
Sumala pa sa pamilya, malinawon siyang namatay sa iyang balay sa Sydney, Australia.
Nailhan si Sam Neill sa iyang mga papel sa mga pelikula ug serye sama sa “Jurassic Park” ug “Peaky Blinders.”
Nangayo usab og pribasiya ang iyang pamilya ug panahon aron makapangandam ug makapahiluna sa ilang kasubo.
Natawo si Sam Neill sa Northern Ireland sa wala pa sila mibalhin sa South Island, New Zealand sa iyang pito ka tuig nga panuigon.
Atol sa iyang karera, nakadawat siya og daghang dungog lakip ang pagkahimong Officer of the Order of the British Empire niadtong 1991 ug ang paghatag kaniya og knighthood sa New Zealand niadtong 2022.
