GENERAL SANTOS CITY – Gipatawag na ang mga hog raisers ngadto sa Malakanyang aron hisgutan ang problema kalabotan sa dili makaagi nga produktong baboy gikan sa dakbayan paingon sa nagkadaiyang mga lugar gumikan sa gipatuman nga lockdown tungod sa isyu sa African Swine Fever kon ASF.
Matud pa ni Dr. Antonio Marin, labaw sa City Veterinary Office nga tanang paagi ang ginahimo karon sa mga hog raisers sa dakbayan tungod apektado na kaayo ang ilang negosyo og dako na kaayo ang ilang lugi.
Usa na ka bulan nga wala makabaligya og produktong baboy ang mga hog raisers sukad nga naigo sa ASF virus ang probinsya sa Davao Occidental.
Galaum si Dr. Marin nga adunay himuon ang gobyerno nga makaangkon og joint circular ang Dept. of Agriculture og DILG aron aksyunan ang problema.
Sa pamahayag niini nga kadtong mga lugar nga ASF-free ang tugtang muagi paingon sa mga lugar kung asa ibaligya ang mga baboy og mga pork products.
Kung kinahanglang matag shipment ang i-certify sa ilang opisina nga ASF Free ilaha kining himuon samtang i-comply ang unsa mang requirement basta dili maapektuhan ang hog industry.
