-- ADVERTISEMENT --
GENSAN– Padayon gihapon ang imbestigasyon sa Bureau of Fire Protection (BFP) Gensan sa sunog nga nahitabo sa Capareda Street, Barangay Lagao ning dakbayan sa Heneral Santos kagabie.
Matod ni Senior Fire Officer 1 Vic Marie Pineda, wala pa masuta ang ensakto nga hinungdan sa dakong sunog pasado alas 7:00 kagabie kung asa naugdaw ang duha ka commercial building, usa niini motorparts ug duha ka residential.
Ang naugdaw nga balay mao ang ancestral home sa pamilyang Casabuena.
Hangyo ni SFO1 Pineda nga kung adunay sunog dayon nga mutawag sa hotline sa BFP-Gensan nga mao ang 094-3341-5561 aron paspas usab ilang marespondihan og dili unahon ang pagkuha og video og pag-post sa social media sa nahitabo.
