Gipanghimakak ni Department of Justice Secretary Fredderick Vida nga ang mando sa pagpatuman sa ‘ICC arrest warrant’ batok kang Sen. Bato Dela Rosa gikan kang Presidente Ferdinand ‘Bongbong’ Marcos.
Matod niya, kini ang pagpatuman sa usa ka warrant nga giisip nga ‘balido’ samtang ang Temporary Restraining Order gikan sa Korte Suprema gikansela o wala pay gi-isyu nga Temporary Restraining Order.
Tungod niini, mahimo na sa mga awtoridad ang pagpatuman sa warrant batok sa magbabalaod.
Sa usa ka press conference nga gihimo sa DOJ, gipahibalo sa kalihim nga ang Philippine National Police ug ang National Bureau of Investigation gimandoan sa pag-aresto kang Sen. Dela Rosa.
Matod niya, ang katuyoan niini nga direktiba mao ang pagdala sa magbabalaod ngadto sa International Criminal Court aron atubangon ang kaso nga nalambigit.
Bisan pa, wala pa’y tino nga tubag kung asa dayon dad-on ang senador kung madakpan na siya sa mga awtoridad.
