Nakatutok sa karon ang City Veterinary Office, sa paghatag og hinabang sa mga hog raisers nga naapektuhan sa African Swine Fever kon ASF sa Purok San Lorenzo Ruiz, Apopong ning dakbayan.
Matud pa kang Dr. Antonio Marin, department head sa City vet nga sa miaging Sabado nga naghatud sila og piso sa manok nga gihatag sa South Cotabato Swine Producers Association kon SOCOSPA.
Gawas pa nga gihatagan usab og feeds ang mga residente alang sa ilang binuhi nga mga manok.
Gikadugang pa ni Dr. Marin nga ang lokal nga gobyerno ang gikatakda usab nga maghatag og hinabang sa mga residente nga naapektuhan.
Nanghinaut si Dr. Marin nga hingpit nga mawala na ang kaso sa ASF sa dakbayan human nga nagnegatibo na sa blood collection og environmental swabbing ang tanang mga samples nga ilang nakuha sa Purok San Lorenzo Ruiz og sa kasikbit nga mga lugar.
