Nailog sa mga otoridad ang P20.5 million kantidad sa illegal drugs atul sa buy-bust operation sa Barangay Tejero, Cebu City byernes sa gabii November 29, 2024.
Ang operisyon nagresulta sa pagkasikop sa targeted high value drug suspek.
Narekober sa kapulisan kuyog sa ginsakpan sa Philippine Drug Enforcement Agency sa Central Visayas kauban ang mga sakop sa Waterfront Police Station 3 ang bulto sa druga .
Giila ang mag live-in partners nga silang Joanna Gallado ug Raymund Jorge, alias “Bagmon,” pulos mga residente sa Back Blessed, Barangay Tejero.
Gitudlo si Raymund Jorge nga high-value individual nga naa sa drug watchlist nga gialegar nga maoy tinubdan sa pagpakatag sa usa ka kilo nga druga matag semana sa tibuok syudad sa Cebu.
Matud ni Cebu City Police Director PCol. Antonietto Cañete nga ang nahisgutang druga ang gikan matud pa sa Mindanao nga gipakatag sa mga syudad sa Mandaue, Talisay, ug Lapu-Lapu.
Gikadugang ni Col. Cañete nga ang gipakusgan nga operisyon aron batukan ang krimen aron mamintina ang kalinaw hilabi na sa nagkaduol nga Pasko ug selebrasyon sa Sinulog 2025.
Sa kasamtangan ang mga dinakpan ang nadetina sa Waterfront Police Station sa Cebu City samtang gapaabot nga mapasaka ang kaso .
