Ang labing unang Olympic gold medalist sa Pilipinas, si Hidilyn Diaz, mipaabot sa pahalipay ug suporta sa 22 ka mga atleta sa nasod alang sa 2024 Paris Olympics.
Sa iyang post, ang Filipino weightlifter niingon nga iyang gisuportahan ang mga magduduwa sa Pilipinas ug nanghinaot nga magmalampuson ang nasud.
Dungan sa iyang pamahayag sa suporta, ang 33-anyos nga garbo sa Zamboanga City mi-post og collage nga litrato sa 22 ka Filipino Olympians, kinsa mopakita sa pinakadakong sporting event.
Si Diaz maoy unang nakadaog og gold medal para sa Pilipinas sa Tokyo Olympics diin ang atleta maoy nakadaog sa women’s 55 kg category.
Sa iyang ikaupat nga Olympics, iyang gialsa ang hiniusa nga gibug-aton nga 224 kg ug tungod niini iyang gibuak ang Olympic record.
