Wala pa gisirado sa aktres ug beauty queen nga si Herlene Budol ang posibilidad nga mobalik siya sa kompetisyon sa beauty pageant bisan human siya nadawat og mga pagsaway sa miaging mga sinalihan.
Human sa iyang debut sa Binibining Pilipinas niadtong 2022 diin nahimo siyang first runner-up ug nakakuha og pito ka special awards, miapil usab siya sa Miss Grand Philippines niadtong 2023 apan nahimong viral tungod sa iyang tubag sa question-and-answer portion nga gisaway sa pipila ka netizens.
Matud ni Herlene, nakaapekto kaniya ang mga batikos apan mipadayon siya sa iyang karera isip aktres. Giingon ni Herlene nga adunay mga nagdapit kaniya nga mosulay pag-usab sa beauty pageant apan iyang hulaton ang hustong panahon.
Matud niya, iyang manager nga si Wilbert Tolentino ang motabang sa pagdesisyon kung kanus-a siya andam nga mobalik sa kompetisyon. Samtang, naka-focus karon si Herlene sa iyang unang horror film nga “The Haunted Bride” diin iyang kauban ang beteranong aktor nga si Mon Confiado.
Giangkon sa aktres nga lisod para kaniya ang pagdala sa papel isip abat ug mas hagit kini kaysa pagpakatawa, apan nalipay siya sa suporta sa iyang mga kauban ug direktor.
Gipaambit usab niya nga andam siyang mosuway og nagkalain-laing plataporma sa pagpakita sa iyang mga proyekto.
