GENERAL SANTOS CITY – Nasugilon na ni Police Major Oliver Pauya, labaw sa Traffic Enforcement Unit ang nakita nga problema sa mga driver ning syudad.
Kini human gihatagan ug higayon ni LTO 12 Director MersHarif Tumawis nga magkita sulod sa buhatan sa LTO 12 Director.
Gisaysay ni Major Pauya ang dakong handum nga matabangan ang sector sa transportasyon human madeskubre nga daghan sa mga gamaneho ug sakyanan nga walay lisensya lakip na expired ang rehistro.
Dinhi na gidiga ni Pauya nga magpatabang kang Director Tumawis aron mugamay ang bayrunon sa paglukat ug lisensya lakip na sa bayrunon sa pagparehistro.
Lakip sa gihisgutan sa ang daghang magtutungha nga gamaneho ug motorsiklo nga walay balido nga papeles. Hinuon ala matud pa nagpabaya ang buhatan sa TEU tungod nagpadayon ang ilang education campaign aron itudlo ang road safety sa pagpaneho ug sakyanan.
Hinuon tubag sa LTO Director nga mao kini ang nag-unang mandato sa LTO nga ipatuman ang RA 4136 kon Traffic law and regulations. Luyo niini idangop gihapon ni Tumawis ang hangyo ni Major Pauya didto sa kauluhan ug magdepende na lamang sa mahimong desisyon sa LTO main office.
