GENSAN – Bag-o na ang chief of police sa Polomolok Municipal Police Station sa Polomolok, South Cotabato.
Mismong si Police Supt. Marvin Dua-Dua nga mao karon ang bag-ong labaw sa nasampit nga presinto, ang nagkumpirma niini sa Bombo Radyo, kung asa nagsugod siya sa bag-ong posisyon kagahapon sa buntag.
Gihulipan niya si Supt. Manuel Cadungon nga mao usab karon ang mihulip sa iyang gibiyaan nga posisyon isip deputy PNP director sa South Cotabato Provincial Police Office.
Nasayran nga nagpatuman ug paglahugay sa mga chief of police sa pipila ka lugar sa South Cotabato, kung asa lakip niini ang Banga, Surallah, Tantangan, ug Sto. Niño.
Dungan sa iyang paglingkod sa bag-ong posisyon, gipasalig ni Supt Dua-Dua nga paningkamutan nga masulbad ang mga serye sa pagpamusil sa ilang AOR.
