Andam na motistigo si Police Major General Nicolas Torre III, ang head sa Criminal Investigation and Detection Group (CIDG), sa impeachment trial ni Bise Presidente Sara Duterte kon imbitahon siya sa House of representatives sa Kongreso.
Si Torre maoy kanhi director sa Police Regional Office 11 (Davao Region), kinsa unang nikompirmar karong Domingo nga motuman siya sa mando sa Department of Justice (DOJ) ug sa prosecution panel nga nagdumala sa kaso.
Sa usa ka press conference nga gipahigayon sa Quezon City, gipasiugda ni Torre nga ang mga imbestigasyon batok kang VP Sara sagad nga gihimo sa National Bureau of Investigation (NBI) ug CIDG ubos sa pagdumala sa DOJ.
Ang tinguha niini nga motestigo nunot usab sa iyang pagsang-at og reklamo batok ni kanhi Presidente Rodrigo Duterte sa miaging semana kalabot sa kontrobersiyal nga “kill” nga pamahayag niini batok sa mga senador karon.
Kahinumduman nga ang impeachment ni VP Sara giaprobahan sa House of Congress niadtong Pebrero 5, diin kapin sa 200 ka mga magbabalaod ang naghiusa sa pag-endorso sa reklamo sa Senado
