Health Sec. Francisco Duque mubisita sa dakbayan sa Heneral Santos

Bisitahon karong adlawa ni Health Sec. Francisco Duque ang dakbayan sa Heneral Santos.

Kauban niini silang vaccine czar Carlito Galvez og si Sec Eduardo Ano sa DILG.

Ang tumong sa mga nasampit sa pagbisita sa dakbayan nga makit-an ang nagpadayon nga vaccination activities sa dakbayan.

Adtuan sa mga nasampit ang mega vaccination center.

Kahibaluan nga ang dakbayan ang usa sa mga gipasidunggan sa miaging unang hugna sa bayanihan bakunahan gumikan daghan ang nabakunahan.

Kini gumikan sa kooperasyon sa tanan aron nga daghan ang mahatagan og proteksyon batok sa COVID 19.