GENERAL SANTOS CITY – Gikumpirma ni Kapitan Aying Acharon sa Dadiangas West nga sirado ang sirado sugod sa miaging lunes ang ilang barangay health center.
Kini gumikan adunay close contact sa usa ka nagpositibo sa COVID nga dental aide sa lokal nga gobyerno nga na-assign sa maong barangay.
Tanang mga empleyado sa health center sa Dadiangas West ang gi-quarantine ingon usab ang mga na-assign sa RHU.
Gibutyag pa niini nga lauman nga sa unang semana sa bulan pa sa Nobyembre mubalik ang serbisyong medikal sa ilang barangay human ang 14 days quarantine.
Hangyo ni Kapitan Acharon sa mga taga Dadiangas West nga sabton ang sitwasyon.
Ang mga residente sa ilang barangay nga magkuha og tambal o kaha may schedule sa bakuna pwede nga muadto sa laing health center.
Kini gumikan may arrangement na ang City Health office nga asikasohon sa mga health center ang gikan sa laing barangay kung na-quarantine ang mga empelyado sa health center.
Kahibaluan nga dili kini labing unang higayon nga may health center nga nanirado sulod sa 14 ka adlaw human nga giquarantine.
