Nagtabla silang US VP Kamala Harris ug kanhi US Pres. Donald Trump sa resulta sa pinili-ay sa gamay nga lugar sa Dixville, Notch sa estado sa New Hampshire alang sa 2024 US presidential elections.
Kini ang labing una nga lugar sa nasud nga na report sa ilang presidential preference.
Nagdugay lamang ug 12 minutos ang pag-ihap tungod unom lamang ang botante.
Nagsugod ang pinili-ay tungang gabii ug nahuman 12:07am. Pulos nakakuha silang Harris ug Trump ug tig-3 votes.
Nakabutang sa balaud sa estado sa New Hamphire nga ginatugtan ang mga lugar o komunidad sama sa Dixville Notch aron sugdan ang eleksiyon sa midnight ug siradhan dayon.
Ang Dixville Notch ang usa ka unincorporated community sa Dixville sa Coos County nga makita sa Norte nga bahin sa estado mga 20 milya sa habagatang Canadian border.
