Gilungkab ang usa ka hardware building nga nahimutang sa Phil-am Road, Purok Masigasig, Barangay Tambler, General Santos City.
Sumala pa sa mga trabahante nga nasayran nila nga gilungkab ang ilang tindahan alas 7:50 sa buntag, kagahapon, Agosto 25, 2025.
Gilayon kining gi-report sa Tambler Police Station sa Branch Manager sa maong hardware ug gisaysay nga nasayran nalang nila nga naguba na ang purtahan sa main office asa nahimutang ang cash vault ug kini usab ang naguba na ug gisikwat ang unod nga kwarta.
Sa pasiunang imbestigasyon sa kapulisan ilang gisuta ang lugar ug ilang nasayran nga ang mga padlocks sa safety vaults, back door ug fiber cement ang pwersahang giguba.
Gibana-banaang mokabat sa 145,000 pesos cash ang nasikwat sa mga kawatan.
Samtang padayon ang follow-up investigation karun sa Police Station 5.
