GENSAN- Hapsay ug malinawon nga lihok protesta ang gihimo kagahapon sa dakbayan sa Gensan, diin nagtapok ang daghang sektor sa katilingban sama sa Kilusang Mayo Uno, Transport Group PISTON, Kabataan Partylist SOCSAREGN, Gabriela Partylist, ug uban pang mga nagkalain-laing sektor, kini dungan sa paghinumdom sa ika-53 nga anibersaryo sa Martial Law sa panahon ni kanhi Pres. Ferdinand Marcos Sr.
Sa maong kalihokan, nanawagan ang mga raliyista alang sa pag-ilis sa sistema sa gobyerno, diin ilang giinsistir nga ang gobyerno kinahanglan dili magpokus lamang sa interes sa pipila ka tawo, kondili unahon ang tinuod nga panginahanglan sa katawhan ug sa nasud.
Gipahimangnoan usab nila ang pagpanubag sa mga opisyal nga nalambigit sa mga kaso sa korapsyon kalabutan sa anomalya sa flood control projects.
Si Kai Ferrer, regional coordinator sa Kabataan Partylist SOCSARGEN, nagpahimangno ug nanawagan sa mga kabatan-onan nga aktibong moapil sa mga kalihokan nga manawagan sa pagpanubag sa mga korap nga opisyal.
