Gibasura sa Pasig RTC Branch 159 ang hangyo o mosyon sa kampo ni KOJC Leader Pastor Apollo Quiboloy, nga tugotan ang pastor nga magsulod og bisita sa ospital.
Matod kang PNP PIO Chief PBGen Jean Fajardo, nakalatid sa gipagawas nga kamandoan sa korte sa nakalabay nga adlaw, Nov. 13, nga usa ka tawo lang ang tugotan nga magbantay kang Quiboloy sa Philippine Heart Center og bisan ang mga abogado niini ang dili usab pwedeng musulod.
Sa miaging adlaw, bandang alas 8:49 sa gabie gidala si Quiboloy sa Philippine Childrean’s Hospital aron mupailawom sa pipila tests nga kinahanglan nga gamitan og partikular nga equipment didto og bandang alas 9:10 p.m gibalik lang usab kini sa PHC.
Sa karon, anaa sa ospital gihapon si Quiboloy, og subay sa kamandoan sa korte magpabilin ang pastor sa ospital og ibalik sa PNP Custodial facility sa Nov. 16 alas singko sa hapon.
Matod kang PBGen Fajardo, may pipila ka medical abstract na nga gipadala sa PNP og ginahulat na lang nga mahuman tanang tests alang sa findings og musunod nga desisyon sa korte.
Samtang, wala usab gitugotan sa PNP nga bag-uhon sa kampo ni Pastor Quiboloy ang detention room niini.
Normal na matod pa sa tanang selda nga walay aircon og gihingusgan ni PBGen Fajardo nga wala silay special treatment sa bisan nga kinsa hinungdan nga dili pwedeng bag-uhon ang detention room ni Pastor Quiboloy.
