Gibalibaran sa Department of National Defense (DND) ang hangyo sa kampo ni Pastor Apollo Quiboloy nga sa military facility kini ipa-kustodiya imbes nga sa PNP.
Kini tungod gikan pa Dominggo sa gabie anaa sa kustodiya sa PNP sa Camp Crame silang Quiboloy kauban silang Jackielyn Roy, Ingrid Canada, Cresente Canada og Sylvia Cemanes.
Kagahapon, nagsumite si Atty. Israelito Torreon ang legal counsel ni Quiboloy og mosyon sa pagpabalhin sa kustodiya sa AFP.
Matod ni DND spokesperson Arsenio Andolong nga ang pasilidad sa AFP dili tama nga ahensiya alang sa pagkustodiya sa mga suspek sa maong kasong kriminal.
Si Quiboloy og lima ka co-accused niini nag-atubang sa child abuse sa korte sa Davao City kung asa ang usa sa mga suspek nga si Pauline Canada anaa sa kustodiya sa otoridad gikan pa niadtong Hulyo.
Gawas pa niini , adunay standing warrant of arrest si Quiboloy sa kasong human trafficking nga gipagawas sa Pasig City court.
