GENERAL SANTOS CITY – Gipaklaro ni Atty. Jeng Gacal, City Administrator ning dakbayan, nga angay duolan ang Sangguniang Panlungsod kung gusto muhangyo ug diskwento sa pagkuha ug paglukat ug mga driver’s license aron nga wala nay mahimo pang rason ang ubang mga drayber ngano wala pa sila niining lisensya.
Kini alayon sa sugyot sa hepe sa Traffic Enforcement Unit Gensan nga si PMaj Oliver Pauya nga kung mahimo paubsan ang singil sa LTO sa paglukat ug driver license tungod kasagaran sa mga violators wala kalukat sa ilang mga lisensya tungod giuna ang pamugas sa mga nahisgutan.
Dugang ni Atty. Gacal nga tan-awon nila ang posibilidad nga hangyuon ang Sangguniang Panlungsod nga mapamub-an ang presyo sa pagkuha ug paglukat sa maong lisensya.
Kahinumduman nga midangop na usab si Pmaj Oliver Pauya kang City Mayor Lorelie Pacquiao sa posebilidad nga mahatagan ug deskwento ang mga drayber sa bayrunon sa pagkuha ug lisensya.
