Matod ni Philippine Atmospheric, Geophysical and Astronomical Services Administration (PAGASA) Administrator Nathaniel Servando, posibleng adunay usa ka bagyo nga mosulod sa mga buwan sa Enero, Pebrero, ug Marso.
Human sa ting-init, gipaabot nga mas subsob nga mga bagyo ang mosulod sa nasud diin duha ngadto sa tulo ka mga bagyo sa usa ka buwan ang masinati na usab, sama sa nahitabo sa miaging tuig.
Ang weather bureau una nga nagpagawas sa listahan sa 25 ka mga ngalan sa mga bagyo karong tuiga, uban sa napulo ka auxiliary nga mga ngalan o dugang nga mga ngalan.
Karong 2024, moabot sa 17 ka bagyo ang nisulod sa PAR diin unom niini ang nagbilin ug dakong kadaot sa wala pa matapos ang tuig.
Kini ang mga bagyo nga nasinati sa nasud gikan sa Severe Tropical Storm Kristine hangtod sa Super Typhoon Pepito nga nasinati tanan sa katapusang quarter sa 2024.
