Gisalikway sa militanteng grupo nga Hamas ang 60 ka adlaw nga ultimatum nga gipahamtang sa usa ka senior aide ni Benjamin Netanyahu nga mag-disarma o mobiya sa ilang mga armas.
Sumala sa taho, ang ultimatum gikan sa gabinete sa Government of Israel nga nagmando nga kinahanglan ihatag sa Hamas ang tanan nilang armas sulod sa 60 ka adlaw. Kon dili sila mosunod, posible umanong ipadayon sa militar sa Israel ang ilang operasyon sa Gaza Strip.
Apan sa pamahayag sa Hamas, klaro nilang gisupak ang maong kondisyon. Matud sa usa ka senior official sa grupo nga dili sila mouyon sa pag-disarm samtang nagpadayon ang tensiyon ug presensya sa pwersa sa Israel sa Gaza. Giingon nila nga ang ilang armas kabahin sa ilang depensa batok sa giingong okupasyon.
Ang maong kalamboan nagdugang sa tensiyon tali sa duha ka panig. Samtang ang Israel nagtan-aw sa pag-disarm sa Hamas isip kondisyon alang sa kalinaw ug rehabilitasyon sa Gaza, nagpabilin nga baruganan sa Hamas nga dili sila maghubo sa armas gawas kon adunay klarong kasabutan nga maghatag og lig-on nga kasiguruhan sa ilang katawhan.
Padayon karon ang pagtan-aw sa internasyonal nga komunidad sa kahimtang, ilabi na sa posibilidad nga mosamot ang kagubot kon dili magkaabot sa kasabutan ang duha ka kampo.
