GENERAL SANTOS CITY -Gikauyonan sa mga opisyales sa syudad ang tanang mga sugyot og rekomendasyon lakip na ang mga gikasabutan sa pag-operate sa STL sa syudad nga gihan-ay ni Kagawad Jeng Gacal, ang chairperson sa Committee on Games and Amusement sa konseho dinhi sa dakbayan.
Sa natigayong session sa miaging Martes, gihisgutan ang pag-operate sa syudad sa STL og miuyon ang halos tanang mga city councilors.
Angayang disente ang mga STL outlets, residente og register voters-ang mga gabantay sa STL outlet, 200 meters ang distansya gikan sa simbahan og eskwelahan, magpahigayon usab og local draw, may uniform and ID ang mga trabahante, ang mga magtaya ang kapin sa 21 anyos pataas.
Sa pamahayag ni Gacal nga gikasabotan sa committee hearing nga anaa sa 110 STL outlets ang tugtan apan nakalatid sa maong ordinansa nga gitugyan kang Mayor Ronel Rivera ang pagkontrol sa gidaghanon gumikan sa unang rekomendasyon sa mayor nga anaa lang sa 45 ka STL outlets.
Mipasalig usab ang PCSO nga matag adlaw gikan P300,000 nga pondo nga ihatag sa mga pasyente ang himoon na karon nga P500,000.
