GENERAL SANTOS CITY – Halos tunga sa milyon ka pesos ang kantidad sa shabu ang nailog sa taga PDEA, mga sundalo ug kapulisan gikan sa tulo ka drug personalities nga ilang nasikop.
Matud ni PDEA 12 Director Naravy Duquiatan nga pulos mga high value target ang mga nahisgutan nga nag operate sa munisipyo sa Pikit ug Midsayap North Cotabato ug pipila ka lugar sa Maguindanao.
Giila niini ang tulo nga silang Talia Malingco 38 , Amir Rasul Mama 25 pulos residente sa Pagalungan, Maguindanao.
Ikatulo ang nagpangalan ug Chenny Tallorin 23 empliyada sa DPWH nga taga Poblacion, Pikit, North Cotabato.
Nakompiska gikan sa tulo ang trese ka mga suspected shabu nga adunay timbang nga setenta gramus nga adunay market value nga P476,000.00, assorted drug paraphernalia, cellular phone ug sakyanan nga gigamit sa transaction, lakip ang gigamit nga marked money.
