Gitaho sa Office of Civil Defense (OCD) nga miabot na sa halos 900 ang mga nahimong oil spill boom aron ma-contain ang mga miagas nga lana gikan sa nalunod nga MT Terra Nova.
Sumala sa OCD, ang mga nahimong spill boom tungod sa pagtinabangay sa nagkadaiyang ahensiya sa gobyerno og mga volunteers gamit ang mga natigom nga materyales.
Anaa sa 48 team ang na-deploy sa pipila ka mga fabrication site sa Pampanga Lubao Bamboo Hub og Tarlac Modern Mechanized Forest Nursery.
Kini ang nakahimo og katibuk-ang 885 spill boom.
Gidala ang mga nasangpit nga spill boom sa mga probinsya nga unang natumbok isip high-risk sama sa Bataan, Bulacan, og Pampanga aron kapugngan ang pagsamot sa pagkatag sa lana.
Samtang, gitaho usab sa Department of Environment and Natural Resources (DENR) nga aduna kini alokasyon nga 954 boxes sa mga oil absorbent pads sa DENR Calabarzon.
Una nang nanawagan ang gobyerno sa mga donasyong materyales sa paghimo og mga spill boom sama sa panit sa lubi og mga buhok samtang pipila ka mga volunteer na usab ang nagtanyag og tabang alang niini.
