GENSAN – Halos 300 sako sa bugas nga matud pa gi-rebag nga NFA rice sa commercial nga sako ang nakumpiska human gisulod sa mga mga otoridad ang usa ka construction material warehouse sa Diversion Road, Brgy. Sinawal dinhi sa dakbayan sa General Santos.
Basi sa nakuhang impormasyon sa Bombo Radyo GenSan, basi sa gihimong imbentaryo mukabat sa 285 sako sa bugas ang naabtan sa mga sakop sa National Food Authority (NFA) og National Bureau of Investigation (NBI) nga anaa sulod sa warehouse.
Gikanayong ginabaligya og mas mahal nga presyo ang kada sako sa maong mga gi-rebag nga bugas.
Hinuon, ipailawom gihapon sa inspeksyon ang sample nga bugas nga nakuha sa NFA aron masayran kung adunay halo nga commercial rice ang pipila sa mga sako.
Kahibaluan nga todo-panghimakak ang mga sakop sa warehouse kalabut sa mga nakumpiskang sinako nga bugas
