Epektibo karong adlawa, ang pagtudlo sa nagbalik sa Camp Crame nga Police Regional Office III Director ug Philippine National Police (PNP) Spokesperson PBGen. Jean Fajardo isip bag-ong Directorate Comptrollership.
Gipulihan niya si PMGen. Neil Alinsangan kinsa madestino sa Area Police Command sa Eastern Mindanao.
Pipila ka dugang nga kausaban sa han-ay sa kapolisan ang gihimo karong adlawa diin si PBGen. Rogelio Ibasco Penones maoy mohulip kang Fajardo isip Officer-In-Charge sa Police Regional Office III (PRO3) samtang si PBGen. Gerry Villas Protacio ang mahimong Officer-In-Charge sa PRO 2.
Apil usab sa halapad nga reshuffle si PBGen. Josefino Dico LIngan nga maoy Officer-In-Charge sa PRO 6 samtang si PBGen. Si Dindo Regis Reyes maoy ibutang isip Officer-In-Charge sa PRO1.
Samtang, matod ni PNP Chief PGen. Nicolas Torre III, ang mga bag-ong appointment kabahin gihapon sa nagpadayon nga reorganisasyon sa han-ay sa kapolisan ubos sa iyang pamunoan.
