Gibasura sa Pasay City Regional Trial Court (RTC) ang habeas corpus petition nga gisang-at sa kontraktor nga si Curlee Discaya.
Gikompirmar kini ni Senate President Tito Sotto ug Senate Secretary Renato Bantug Jr. kagahapong adlawa.
Base sa desisyon sa Pasay City RTC Branch 498, magpabilin si Discaya sa kustodiya sa Senado tungod sa kakuwang sa ebidensya nga nakahimo ang Senado og grave abuse of discretion batok kaniya.
Sa buwag nga pamahayag, ang abogado ni Discaya nga si Atty. Cornelio Samaniego III, niingon usab sa interbyu nga ilang gidawat ang desisyon sa korte.
Hinuon, iyang gipasabot nga gitun-an pa sa ilang kampo ang sunod nga mga lakang.
Kahinumduman nga si Curlee Discaya gi-contempt sa Senate Blue Ribbon Committee niadtong Septiyembre 18 human giingong namakak sa kapakyas sa iyang asawa nga si Sarah Discaya sa pagtambong sa hearing kalabot sa mga anomalosong flood control projects.
