-- ADVERTISEMENT --
GENERAL SANTOS CITY – Nagpadayon ang gihimo nga imbestigasyon sa kapulisan sa labing ulahi nga pagpamusil sa Bawing ning dakbayan.
Matud pa sa Tambler PNP nga ang biktima mao si Rusty Ramirez Caparos, 37 anyos, habal habal driver nga residente sa Purok Changco Village, Bawing ning syudad.
Pasado alas 11:00 sa udto kagahapon dihang naa sa vulcanizing shop sa Purok Changco ang biktima gihunungan kini ug lalaki nga naka motorsiklo.
Matud sa mga witness nga miduol pa ang lalaki ngadto sa biktima apan kalit nga mikuha ug pusil ug gitiro ang biktima.
Usa lamang ka buto sa pusil ang nadunggan dihang nakita pa niini ang pagkatumba sa biktima nga may samad na sa ulo nga bahin.
-- ADVERTISEMENT --
Paspas matud pa nga mipahilayo sa lugar ang wala maila nga lalaki.
