GENERAL SANTOS CITY – Giklaro ni Police Capt. Brent Ian Salazar, hepe sa San Isidro Police Station nga walay natigayong pagpusilay tali sa duha ka gwardya sa Isabela Homes Extension Brgy San Isidro ning dakbayan.
Matud pa niini nga instensyon sa suspek nga si Joemarie Sagucom, 19 anyos nga mamusil samtang ang biktima nga si Jacinto Sanggalang, 37 anyos. Prk Riverside Brgy San Isidro ning syudad og ang nasampit ang walay bitbit nga armas.
Gikonsidera na usab nga solved ang maong krimen human nga misurender ang suspek ngadto sa kapulisan og giangkon ang krimen nga gihimo.
Samtang sa pakighinabi sa bombo radyo sa suspek, aminado ang nasampit nga ang grabeng kasuko niya og pagdumot sa biktima ang nagtakmod nga pusilon ang kaubanang gwardya nga hinungdan sa kamatayon sa biktima.
Saysay niya nga nihangyo siya sa biktima nga mu-straight ug duty apan nagdumili matud pa ang biktima nga miresulta sa ilahang panaglalis.
Dako matud pa ang iyahang pagmahay sa nahimong pagpatay sa biktima ug andam siya sa unsa mang silot.
Nangayo ug pasaylo ang suspek sa pamilya sa biktima human ang krimen.
Narekober sa crime scene ang upat ka mga fire cartridge sa kalibre 38 nga armas ug ang armas nga gigamit sa krimen.
Naka-angkon ug igo sa nagkadaiyang parte sa lawas ang biktima hinungdan sa kamatayon sa biktima.
