GENERAL SANTOS CITY – Kaso nga pagsupak sa RA 10591 ang ipasaka sa usa ka gwardiya nga kustudiya karon sa Makar Police station.
Kini human makuhaan ug armas ang gwardiya nga si Bombet Alhas 33 anyos nga residente sa Malandag, Malungon Sarangani province.
Gireklamo ang nahisgutan ni Sinawal Kapitan Doming Lozano nga nagpabuto sa iyang shotgun sa Cabuay, Sinawal miaging adlaw.
Gikadugang pa nga daghan ang gibate ug kahadlok sa gihimo sa gwardiya tungod ang lugar duol lamang sa Barangay Hall.
Una nga gibutyag sa suspek nga dili siya ang nagpabuto sa shotgun apan sa iyang kaugalingon nakuha ang pusil dihang miabut ang kapulisan sa lugar.
Gitudlo niini nga responsable ang iyang kauban nga gusto lamang mahunong ang pagkulata matud pa sa biktima sa mga suspek hinungdan nga gipabuto ang isyu nga shotgun.
Nakuha sa lugar ang upat ka basiyo sa 12 gauge shotgun nga kustudiya na sa kapulisan.
