GENERAL SANTOS CITY – Dili lamang palisod sa Sangguniang Panglunsod members og mga empleyado ang guba nga elevator kon dili sa uban usab nga mga gaadto sa SP building.
Giangkon ni Kag. Geng Gacal, gaantos siya sa pagsaka-kanaug sa hagdanan matag sesyon og committee hearing. Sama kaniya, kalolooy usab ang mga PWD’s og senior citizens hinungdan nga nanawagan nga paspasan ang pag-ayo sa elevator nga dugay ng guba.
Nasayran nga lisod makalakaw ang konsehal human nga makalingkawas sa stroke.
Isip tubag sa problema, gibutyag ni City Administrator Atty. Arnel Zapatos nga may budget na alang sa pagpaayo sa elevator.
Nadugay matud pa ang pagpaayo tungod nagkaproblema sa bidding process.
Matud pa ni Atty. Zapatos nga may proseso nga angayang sundon og dili i-shortcut ang proseso.
Mukabat sa P2 million ang gigahin nga pondo alang sa maong elevator sa SP building.
