Nidaog ang Golden State Warriors batok sa Dallas Mavericks sa mga dula sa NBA Christmas Day kagahapong adlawa, Disyembre 26.
Gipangulohan sa NBA star nga si Stephen Curry ang kadaugan sa GS, gamit ang 23 puntos gikan sa iyang unom ka field goal ug siyam ka free throws.
Gipakita usab sa mga bench players sa Warriors ang ilang kahanas human sila nakapuntos og kinatibuk-ang 64 puntos. Upat sa mga bench players sa team ang nakapuntos og double-digits, pinangunahan ni De’Anthony Melton.
Napugngan sa Warriors ang pagsulay sa pagbalik sa Dallas, pinangunahan sa rookie nga si Cooper Flagg, kinsa nakapuntos og 27 puntos ug unom ka rebounds.
Sa unang quarter sa duwa, ang Golden State diha-diha dayon naka-40 puntos samtang ang Mavs nakapuntos lang og 28 puntos.
Naningkamot ang Dallas nga makabangon gikan sa ika-3 hangtod sa ika-4 nga quarter apan bisan pa sa dominanteng run, 3 puntos lang ang ilang napapas gikan sa 1st-quarter deficit nga ilang naangkon.
Nakapuntos ang Golden State og 14 ka 3-pointers sa tibuok duwa samtang ang Mavs nakapuntos lang og upat ka tres.
Uban sa kadaugan, ang GS mibalik sa ibabaw sa .500, ha
