GENERAL SANTOS CITY – Walay nalambigit nga ninja cops sa General Santos City Police Office (GSCPO).
Kini ang gibutyag ni City PNP Director Col. Aden Lagradante, nga uyon kini nga ipagawas ang mga pangalan sa naasoyng ninja cops aron nga mahibaluan sa katawhan.
Apan gipaniguro niini nga walay mga nalambigit sa GSCPO, gani gibutyag niini nga sa gihimong drugtest walay mga nagpositibo usab nga mga police.
Nasayran nga subling gibaharan ni Pangulong Rodrigo Duterte ang mga gibansagan nga “ninja cops” o mga kapulisan nga nalambigit sa pagrecycle sa mga nakumpiskang iligal nga droga.
Usa pa ang mga nahisgutan nga gaguba sa pagpanindot sa gobyerno sa imahe sa nasud.
Kahinumduman nga gibutyag sa Philippine Drug Enforcment Agency (PDEA) nga padayon gihapon ang operasyon sa gibansagang “ninja Cops” sa nasud.
