GENERAL SANTOS CITY – Miapela ang General Santos City Police Office (GSCPO) ngadto sa lokal nga panggamhanan nga tabangan sila nga masabtan ang legalidad sa operasyon sa Small town lottery kon STL sa dakbayan.
Kahibaluan, sa unang parte sa privelege speech ni Kag. Geng Gacal, gidayeg niini ang GSCPO sa kampanya sa iligal nga sugal, apan sa tunga tunga na nga bahin, nahimong mainiton ang hisgutanan sa STL human nga gibanatan niini si OIC City PNP Director PSrSupt. Ruel Berango.
Gikwestyon ni Kag. Gacal kon unsa ang nahimong basehan sa GSCPO nganong gipasiradan ang 5 ka STL outlet niadtong Biernes.
Giangkon ni Berango nga naipit sila tali sa PCSO og LGU-GenSan kalabot sa operasyon sa STL sa syudad.
Matud pa ni Berango, wala nasayod ang GSCPO kon asa mulugar hinungdan nga miapela nga hatagan og pagpaklaro tungod bag-o sa syudad sng STL.
Luyo sa pagpaklaro nga gihimo ni Berango sa konseho, gipahimangnuan ni Kag. Gacal si Berango nga angayang sundon ang balaud.
Angayang masabtan sa PCSO nga sundon ang balaud kon asa muagi sa city Council bag-o mag-operate ang STL.
