Nagpahimangno ang Genral Santos City Police Offic sa tanang katawhan nga magbantay ug mag-amping sa ilang mga butang, labi na sa pampublikong lugar sama sa Central Public Market, malls, ug terminal, samtang nagasugod ang selebrasyon sa Kapaskuhan ug Bag-ong Tuig.
Matud ni Pcol. Nicomdes Olaivar Jr, , kasagaran modagsa ang mga tawo sa merkado ug uban pang lugar sa publiko karong holiday season, hinungdan nga posible usab nga mosamot ang aktibidad sa mga kawatan ug snatchers.
Gipahimangnoan ang publiko nga dili i-pakita ang kwarta, cellphones, o uban pang mahahalagang butang, ug siguruhon nga dili mawala sa ilang panan-aw.
Gipasiugda sa kapulisan ang pag-report dayon sa mga suspetsado ug kahina-hinalang kalihokan sa barangay tanod o police hotline aron dali matubag ang insidente.
Ang coordinated patrols sa kapulisan ug mga barangay security personnel gipahugtan aron mapanalipdan ang katawhan ug malikayan ang krimen sa panahon sa selebrasyon. Pinaagi sa kooperasyon sa katawhan ug kapulisan, gilauman nga hapsay ug malinawon ang selebrasyon sa Kapaskuhan ug pagsugod sa Bag-ong Tuig sa dakbayan sa Gensan
