GENERAL SANTOS CITY – Magpahigayon karong adlawa ang GSCPO og simulation exercises isip kabahin sa ilang gilatag nga security plan alang sa Senate hearing sa multi-billion nga Road Right of way scam dinhi sa dakbayan.
Kahibaluan nga gibutang na sa GSCPO sa full alert status ang dakbayan alang sa duha ka adlaw nga senate hearing nga pormal ng magsugod ugma hangtud Biernes.
Gani, gibutyag sa kapulisan nga mas gipahugtan ang ipatumang seguridad kung asa kaabag nila ang aaugmentation gikan sa South Cotabato og Sarangani, ingon mga pulis gikan sa PRO-12.
Gilauman kining tambungan sa lima matud pa ka senador sa nasud kung asa tumong nga ibulgar kung kinsa ang mga nakahimulos sa dakong salapi tungod sa maong scam.
Karon pa lamang, gi-abisuhan na ang publiko sa mga ipatuman nga road closure sa palibot sa SP building nga magsugod ugmang adlawa.
Ang mga dalan nga sirado sa mga sakyanan ang CT hall compound, ang bahin sa Osmeña Avenue, atubangan sa City hall hangtud sa Champaca St.
Maapektuhan usab ang dalan atubangan sa Covered court sa Oval Plaza, Sampaguita St, sa may bahgin sa Roxas avenue og ang atubangan sa Our Lady of peace and good Voyage Parish church.
Ang pagsirado sa maong mga kalsada magsugod alas 7:00 sa buntag ug ablihan lang kon m ahuman na ang hearing.
