GENERAL SANTOS CITY – Mugnaon sa General Santos City Police Office (GSCPO) ang City Special Operations Group.
Matud ni Col. Gilberto Tuzon, Officer Incharge (OIC) City director sa GSCPO nga kini dungan sa pagdayong pagtaas sa listahan sa pagpamusil sa dakbayannga sagad gitudlong nagpaluyo mao ang riding-in tandem criminals.
Gibutyag sa opisyal, ang grupo ang mututok sa pagresolba sa krimen og prayoridad usab ang matuldukan ang problema sa kamatay sa GenSan.
Sa ulahing datus sa GSCPO gikan Enero 01 hangtud Agosto 11,2020 mokabat sa 48 ang gikonsidera sa kapulisan nga ‘shooting incident.
Gilangkuban sa pito ka kaso sa murder; 17 ka homicide; unom ka frustrated homicide; 5 ka frustrated murder; 2 serious physical injury ug usa ka attempted murder.
Samtang sa maong ihap sa pagpamusil, 18 ang cleared; unom ang naresolba ug 30 ang under investigation.
