GENERAL SANTOS CITY – Gitigom ni City Director Police Colonel Aden Lagradante ang walo ka mga chief of police sa dakbayan.
Matud pa kang Police Major Rexor Canoy, tigpamaba sa GenSan City Police Office nga nagpahigayon og command conference kagahapon kung asa usa-usa nga gipangayuan sa labaw sa kapulisan sa syudad ang mga hepe sa kapulisan sa dagan sa imbestigasyon sa robbery incident nga natigayon sa ilang area of responsibility.
Usa usa usab nga naghatag sa ilang counter measures ang matag presinto sa pagsanta sa maong matang sa kriminalidad nga sunod sunod nga natigayon sa syudad kung asa walay pili ang mga responsable sa ilang biktimahon.
Sa pahayag ni Police Major Canoy nga wala hinuon gisabon ni P/Col Lagradante ang mga naasoyng chief of police nga hangtod karon wala pay devealopment kung usang grupo ang nagpaluyo sa mga pagpangholdap sa syudad.
Kahibaluan nga nahimong biktima sa pagpanulis ang mga sibilyan nga galakaw sa dalan samtang gisulod ang usa ka establisiemento sa Apopong ning syudad kung asa kapin P200,000 sa salapi ang natangag.
Walay kahadlok ang mga tulisan tungod bisan og adlaw nga dako sudlon ang mga establisiemento samtang may natigayon usab nga mga pagpanulis sa gabie. .
