GENSAN – Gipahugtan sa General Santos City Police Office (GSCPO) ang pag-monitor batok sa mga illegal nga nagbaligya sa pabuto ug fireworks sa syudad, ingon sa pahayag ni Police Col. Nicomedez Olaivar Jr., City Director sa GSCPO.
Gipahimangnoan sa opisyal ang publiko nga likayan ang pagpalit sa mga illegal nga pabuto tungod kay kini delikado ug posibleng makahatag og kadaut sa kaugalingon.
Samtang nagkadaul ang pagsugat sa Bag-ong Tuig, gibantayan sa kapulisan ang mga nagbaligya aron malikayan ang kadaut ug masiguro ang kaluwasan sa katawhan.
Gipasabot usab ni Col. Olaivar nga ang pagpamalit sa lehitimong pabuto gikan sa awtorisadong tindahan ang angay buhaton kay kini nakaagi sa husto nga inspeksyon ug sigurado nga luwas gamiton.
Malaumon ang opisyal nga pinaagi sa mga lakang sa kapulisan, malinawon ug hapsay ang selebrasyon sa Bag-ong Tuig sa General Santos City.
