GENERAL SANTOS CITY – Aminado ang kapulisan sa dakbayan nga ubay-ubay gihapon sa mga residente sa dakbayan ang gahi og ulo bisan pa sa hugot nga pahimangno sa mga otoridad og mga eksperto sa pagsunod sa mga protocol kalabotan sa paglikay nga matakbuyan sa Covid 19.
Matud kang P/Lt. Clarizel Perez, tigpamaba sa General Santos City Police Office(GSCPO), gadugay ang panahon gadaghan ang mga pasaway og murag wala gatuo sa grabeng peligro sa kinabuhi kung maigo sa coronavirus.
Apan luyo niini gibutyag sa GSCPO nga dili sila muondang sa pagpatuman sa mga patakaran sama sa curfew og liquor ban nga sumala niini may pipila ka indibidwal nga gasupak gihapon.
Sa pamahayag ni Perez, angayang adunay disiplina sa matag usa. Gihangyo sa opisyal ang kooperasyon sa publiko aron matapna ang Covid 19.
