-- ADVERTISEMENT --
GENSAN –Andam na ang General Santos City Police Office sa pagpatuman og hugot nga mga lakang sa seguridad alang sa selebrasyon sa SAFF 44 nga ipahigayon karong adlawa, Enero 25, 2025, sa Camp Fermin Lira.
Matud ni PCol. Nicomedes Olaivar Jr., City Director sa Gensan City Police Office, nagdeploy na og igong pwersa ang kapulisan aron masiguro ang kalinaw ug kahapsay sa tibuok kalihokan.
Gilauman usab ang pag-abot sa mga dagkong opisyales sa kapulisan, lokal nga kagamhanan, ug mga lider sa komunidad.
Gipasabot ni Olaivar nga ang selebrasyon dili lamang paghinumdom sa sakripisyo ug serbisyo sa SAFF 44, kondili usa usab ka higayon sa pagpakita sa lig-on nga panaghiusa tali sa kapulisan ug sa katawhan.
