GENERAL SANTOS CITY – Gipanghimakak ni P/Major Rexor Canoy, tigpamaba sa General Santos City Police Office (GSCPO) nga luag ang seguridad nga gipatuman sa kapulisan.
Matud pa kang Canoy nga adunay strategic nga plano ang kapulisan sa pagbantay sa palibot.
Gikadugang pa niini nga angayang magpahulay usab ang ubang mga pulis aron dili muubos ang immune system tungod kay kon dili ampingan usab ang kaugalingon sila ang matakdan sa COVID 19.
.
Gibutyag pa niini nga sukad sa miaging Marso hangtud karon padayon ang ilang pakigkumbati sa COVID 19 lakip na sa nagkadaiyang mga kremin.
Hangyo ni Canoy sa publiko nga sundon ang mga health protocols sama sa susama sa pagsul-ob sa face mask, face shield, social distancing, og paghugas kanunay sa kamot gamit ang tubig og sabon tungod maoy bugtong pamaagi aron makigbatok sa virus.
Ning panahon sa pandemnya ang kooperasyon sa katawhan ang kinahanglanon.
