Gisaway sa grupong Ex-Detainees Against Detention and Arrest (SELDA) ang giingong ‘VIP treatment’ nga gihatag kang Kingdom of Jesus Christ founder ug senatorial candidate nga si Apollo Quiboloy.
Kini nunot usab sa pagpagawas sa natala nga mensahe sa kampanya ni Quiboloy sa proclamation rally sa Partido Demokratiko Pilipino-Lakas ng Bayan (PDP-Laban) ning milabayng semana.
Matod sa grupo, ang maong lakang usa ka pruweba sa giingong double-standard nga pagtratar sa gobyerno sa mga piniriso.
Ang bise chairman sa SELDA nga si Danilo dela Fuente nangutana nganong gihatagan og higayon si Quiboloy nga maka-record og campaign video nga ang ubang mga presyo kinahanglang mosunod sa mas estrikto nga mga lagda sulod sa prisohan.
Matod ni Dela Fuente, ang mga kabus nga piniriso ug mga binilanggo sa politika kinahanglang mosunod sa higpit nga mga lagda samtang kadtong adunay kuwarta ug gahom makadawat ug espesyal nga pagtagad.
Agig tubag, ang tigpamaba sa Bureau of Jail Management and Penology nga si Supt. Jayrex Bustinera nga legal nga gikuha o girekord ang maong video.
Matod ni Bustinera, gidili sa BJMP ang dili awtorisado nga pagrekord o paggamit sa mga camera sulod sa mga prisohan.
Apan matud niya nga adunay kamandoan sa korte nga irekord ni Quiboloy ang iyang mensahe bisan og naa siya sa prisohan ug kinahanglang tumanon kini sa BJMP.
Matod ni Bustinera, nakuhaan og video si Quiboloy samtang na-confine sa Pasig City General Hospital ug wala sulod sa iyang detention facility. Unang gipasalida ang video sa kontrobersyal nga pastor sa PDP-Laban rally sa Ynares Sports Arena sa Pasig City.
Matod ni Atty. Israelito Torreon, ang legal counsel sa napriso nga kandidato, si Quiboloy naghupot gihapon sa iyang civil ug political rights isip kandidato sa eleksyon.
