GENERAL SANTOS CITY – Makigkita kang Gensan Mayor Lorelie Pacquiao ang mga vendor sa central public market aron ipaabut ang ilang baruganan sa hisgutanan sa pagpaayo sa public market ning syudad.
Kini human nagpadala ug abiso si Arlan Suyat ang Federation President sa Gensan Market Vendors Association Incorporated nga buot makasulti ang Mayor karong buntaga human gayud sa flag ceremony.
Hangtud karon dili madawat sa mga vendor ang giingong 400 lamang ka stall ang plano nga ipahimo sa negosyante nga magbutang ug puhunan aron mabag-o ang merkado.
Una nga gibutyag sa nahisgutang mga vendor nga may 1,700 ka mga vendor ang phase A ug Phase B ug ang naasoy nga ihap ang nagtigum nakalabay nga semana.
Kahinumduman nag sa nakalabay nga semana mibisita sa buhatan sa Mayor ang Maranao Employees Businessmen Association (MEBA). nga gisundan usab sa taga meat section sa tumong nga ipadangat ang ilang molo.
